02 июля 2008 г.
«Зарница» тата «Орленок» çар вăййисен республикăри финалне кăçал Аçăмçырминчи, Вăрнарти 2-мĕш шкулсен тата 29-мĕш професси училищин командисем хутшăнма тивĕçнĕ. Пĕрремĕшсем «орленоксен», иккĕмĕшсем «зарничниксен», виççĕмĕшсем пуçламăш професси вĕрентĕвĕн учрежденийĕсем, 2-мĕш шкул çумĕнчи «Патриот» клуб çар-патриот клубĕсем хушшинче тупăшнă.
Иртнĕ çул çамрăк армеецсем ăмăртусенчен призлă вырăнсемпе таврăннăччĕ. Кăçал та тĕрлĕ конкурссенче вĕсен çивĕчлĕхĕпе пултарулăхĕ малта пуласса шанас килет.
Источник: "Çĕнтерÿ çуле"