26 июня 2008 г.
Ачасем чăтăмсăррăн кĕтекен каникул кунĕсем тинех пуçланчĕç. Вĕсен халĕ пушă вăхăт нумай, ăна май пур таран кăсăклăрах ирттерме тăрăшаççĕ.
Çавна май, районти тĕп библиотекăн ача-пăча литературин уйрăмĕнче, акă, каникул вăхăтĕнче шкул лагерĕсенче вулавсем йĕркелесси тата çĕнĕ кĕнекесемпе хаçат-журналпа паллаштарасси ырă йăлана кĕчĕ.
Кăçал та ку уйрăм интереслĕ мероприятисем чылай хатĕрленĕ, унта Вăрнарти 1-мĕш тата 2-мĕш шкулсенче вĕренекенсем хутшăннă. Сăмахран, А.С.Пушкин пурнăçĕпе пултарулăхне халалланă мероприятисем - «У Пушкинского Лукоморья» викторина, юмах вулавĕсем, мультфильмсем пăхни - пурне те кăмăла кайнă. Çавăн пекех вăтам ÿсĕмри шкул ачисене «Костяника» фильм кăтартнă.
Источник: "Çĕнтерÿ çуле"