21 июня 2008 г.
Хуçалăхсем хушшинчи «Вурнарская» организаци юлашки çулсенче хăйĕн хăватне самай пысăкларĕ. Халĕ вăл республикăри чи малашлăхлă строительство предприятийĕсенче6н пĕри.
Иртнĕ çул кунта тимлекен тăрăшуллăхĕпе пĕтĕмпе 40 пин тăваткал метр пурăнмалли çурт-йĕр хута янă. Строительсен кăçалхи ĕç планĕ тата пысăкрах, паян вĕсем поселокри виçĕ пысăк объектра.
- Ленин урамĕнчи 64 хваттерлĕ çурт Мăшăрлану керменне тата чиркÿ тăвас çĕрте - вăй хураççĕ. Ĕçченсен пĕр пайĕ çавăн пекех Шупашкарта тимлет.
«Вурнарская» МСО-н социаллă объектсем çĕклессипе çĕнсе илнĕ дипломсемпе грамотăсем сахал мар. Çак кунсенче вĕсем çумне тата тепĕр сумлă награда хутшăнчĕ. Организаци Санкт-Петербургри халăхсем хушшинчи Пахалăхпа Маркетинг Академийĕ ирттернĕ XII-мĕш «Европа шайĕнчи пахалăх» конкурсра Диплом тата ылтăн медаль çĕнсе илнĕ. Саламлатпăр!
Источник: "Çĕнтерÿ çуле"