29 марта 2008 г.
«Хыпар» издательство çурчĕн кăларăмĕсене - «Хыпара», «Хыпар шăматкуна», «Çамрăксен хаçатне», «Чăваш хĕрарăмне», «Сывлăха», «Кил-çурт, хушма хуçалăха» - Вăрнар районĕнче пурăнакансем кăмăлласах вулаççĕ. Хаçат страницисенче вĕсен статйисем те тăтăшах пичетленеççĕ. Кун çути кураççĕ. Пурнăçра чун «çăкăрĕ» те кирлине аван туякансем Н.В. Никольскин 130 çулхи юбилейне тата «Хыпарăн» 25000-мĕш номерне халалланă суперлотерейăна, хутшăннă. Унта В.Гаврилов (Аçăмçырми), В.Петрова (Хурапыр Юнтапа) Н.Назарова (Кăмпал), П.Семенов (Уравăш), П.Михайлов (Уйкас Кипек) тата Р.Алексеевапа М.Васильев (Уйкас Юнтапа) çĕнтернĕ. Вĕсене ака уйăхĕн 1-мĕшĕнче «Хыпар» хаçат редакцийĕнче хаклă парнесем парса чыслĕç.
Источник: "Çĕнтерÿ çуле"