19 марта 2008 г.
Вăрнар йĕлтĕрçи, ял хуçалăх техникумĕн преподавателĕ Галина Павлова тăван тăрăха савăнăçлă хыпар илсе çитерчĕ. Мартăн 5 - 11-мĕшĕсенче Ижевск хулинче «Газпром» акционерсен уçă обществин Пĕтĕм Раççейри спартакиадинче «Волготрансгаз» команда йышне кĕрсе вăл хĕллехи полиатлонра чи лайăх результат кăтартса ылтăн медаль çĕнсе илнĕ.
Кĕске тăхтав хыççăнах пултаруллă спортсменка тепĕр сумлă ăмăртăва - Мурманск хулинче ирттерекен «Урожай» спорт пĕрлешĕвĕн Пĕтĕм тĕнчери чемпионатне тухса кайнă. Каламалла, Раççей командишĕн унта республикăран икĕ йĕлтĕрçĕ кăна хутшăнаççĕ.
Источник: "Çĕнтерÿ çуле"