09 февраля 2008 г.
Калининăри шкул-интернатра вĕренекенсем кăçалхи Ырă ĕçсен çулталăкĕн пархатарне ыттисенчен ытларах туйса илчĕç пулĕ. Район прокуратури, ку учреждение хăй хÿттине илнĕскер, парне кÿрекенсенчен чи пĕрремĕшĕ пулчĕ, ачасене сывă пурнăç йĕркипе туслă пулма сĕнсе спорт хатĕрĕсемпе хавхалантарчĕ. Ырă тĕслĕхе районти 3-мĕш налук инспекцийĕ тăсрĕ. Çак кунсенче шкул-интернатăн спорт бази татах пуянланчĕ.
Калининăри предпринимательсем - «Калина» тата «Марина» тулли мар яваплă обществăсен ертÿçисем Леонид Егоров тата Марина Ваганина - «Правда» ял хуçалăх кооператив председателĕ Любовь Александрова пуçарнипе вĕрентÿ учрежденине бадминтон комплекчĕсем парнеленĕ. Халĕ ачасен, ан ÿркен кăна, спортăн кирек хăш тĕсĕпе те аталанма май пур.
Источник: "Çĕнтерÿ çуле"