Публикации » Ашшĕ-амăшне старта чĕнчĕç

09 февраля 2008 г.

Çĕрпелти вăтам шкулта вĕренекенсем спортпа питĕ туслă. Вĕсем районта ирттерекен ăмăртусене час-часах хутшăнса малти вырăнсене йышăнаççĕ. Çакă вăл ачасем мĕн пĕчĕкренех спорта юратнипе çыхăннă. Акă çак кунсенче 5-мĕш класра вĕренекенсемпе ашшĕ-амăшĕсем хушшинче «Хаваслă стартсем» иртрĕç. Пуçаруçисем 5-мĕш класс ертÿçи Нелли Евгеньевна Игнатьева тата физкультура учителĕ Нина Алексеевна Ракова. Ăмăрту куракансене те, вăййа хутшăнакансене те питĕ килĕшрĕ. Конкурссенче ашшĕ-амăшĕсем те, вĕренекенсем те пĕр пек очкосем пухрĕç. Шкулпа малашне те тачă çыхăнса ĕçлес тĕллевпе Çĕршыв сыхлавçисен уявĕ тĕлне «Атте, анне тата эпĕ» йĕлтĕр эстафети ирттерме палăртрĕç.

Источник: "Çĕнтерÿ çуле"