Публикации » Ыр туни çухалмасть

02 февраля 2008 г.

Инкек куçа курăнса килместь. Январĕн 16-мĕшĕнче ниçтан та тĕкĕнмен пулсан та  сасартăк урам енчен пÿрте кĕрекен электричество пăралукĕ татăлса кайса тепринпе çыхăнса ларчĕ. Çутă сÿнчĕ. Ялта электриксем пур, анчах вĕсен ĕç хатĕрĕсем çук. Васкасах ял тăрăхĕн пуçлăхне пĕлтертĕмĕр. Çур сехет те иртмерĕ - Вăрнарти энерги сетĕнчен электриксен бригади килсе çитрĕ, ĕçе хăвăрт тытăнчĕ. Кĕçех кашни килех çутă çитрĕ. Маттур  ăста электриксене хăйсен тивĕçне чыслăн пурнăçланăшăн ял-йыш ячĕпе чун-чĕререн тав тăватăп. Ырă ĕçсен çулталăкĕнче пархатарлă ĕç тăвакансен йышĕ татах ÿстĕрччĕ.

Источник: "Çĕнтерÿ çуле"