02 февраля 2008 г.
Раççейри куç курманнисен обществин Чăваш енри правленийĕ ЧР Сывлăх сыхлавĕпе социаллă аталану министерствипе калаçса татăлнă хыççăн медицина тата социаллă эксперт комиссийĕ районсене реабилитациленмелли уйрăм программăсем хатĕрлеме тухса çÿрет.
Акă раштав уйăхĕнче районти 11 инвалида реабилитациленмелли уйрăм программăсем панă. Районти тĕп больницăра вăй хуракан Валентина Арсентьевна Константинова врач-окулиста вăхăтра справкăсем хатĕрлесе тăратнăшăн питĕ пысăк тав сăмахĕ калатăп. Çавăн пекех вырăнти организацин председателĕ Г.Мясникова, секретарĕ В.Константинова хăйсене шанса панă ĕçе тÿр кăмăлпа пурнăçларĕç, техника хатĕрĕсем илме кирлĕ мĕн пур документа пухса социаллă страховани фондне кайса пачĕç. Реабилитациленмелли уйрăм программăна «Калаçакан кĕнекене» итлемелли хатĕрсене кĕртнĕ пирки Çĕн çул умĕн 11 инвалид парнесене - магнитофонсене - тивĕçрĕç.
Источник: "Çĕнтерÿ çуле"