10 октября 2007 г.
Çак кунсенче Вăрнара савăнăçлă хыпар çитрĕ. Вăрнар районĕнче чи пĕлтерĕшлĕ объектсене хăпартакан строительство организацийĕн ĕç-хĕлне Раççей шайĕнче пысăк хак панă. Раççей патшалăхĕ умĕнчи тава тивĕçлĕ ĕçсемшĕн, обществăра толерантноçпе созидани идейисене çирĕплетес ĕçе пысăк тÿпе хывнăшăн «Вурнарская» МСО акционерсен хупă обществин ĕç коллективне «Тăван çĕр-шыв мухтавĕшĕн хастар ĕçленĕшĕн» грамотăпа чысланă.
Раççей мăнаçлăхне тата тĕреклĕхне çирĕплетес ĕçе пĕлтерĕшлĕ тÿпе хывакан чи лайăх предприятисене тупса палăртассипе тимлекен Федераллă программăн суйлав Комитечĕн йышăнăвĕпе килĕшÿллĕн, «Вурнарская» МСО АХО пуçлăхне Иван Александрович Сандомирова Обществăлла Ăслăлăхсен Пĕтĕм тĕнчери Академийĕн член-корреспонденчĕ ята панă. Çавăн пекех И. А. Сандомиров кандидатурине «Тăван çĕр-шыв мухтавĕшĕн» орден илме номинациленĕ.
Источник: "Çĕнтерÿ çуле"