10 июля 2003 г.
Çулла ял çыннишĕн чи хĕрÿ ĕçсен тапхăрĕ шутланать. Ялхуçалăх культурисене пăхса çитĕнтермелле, выльăх апачĕ хатĕрлемелле, çав хушăрах выльăх-чĕрлĕх çурчĕсене хĕле хатĕрлессипе те ĕçлемелле. Фермăсенчи оборудованипе апат цехĕсене вăхăтра тата лайăх пахалăхлă юсассине, обществăлла выльăх-чĕрлĕхе пахалăхлă апатпа туллин тивĕçтерессине, 2003-2004 çулсенчи хĕллехи тапхăрта выльăх-чĕрлĕх продукчĕсем туса илессине малалла ÿстерме кирлĕ условисем туса хурассине йĕркелес тĕллевпе район администрацийĕн ялхуçалăхĕпе апат-çимĕç управленийĕн пуçлăхĕ А.И.Ильин 2003 çулхи июлĕн 1-мĕшĕнчен пуçласа сентябрĕн 1-мĕшчен икĕуйăхлăх ирттересси çинчен приказ çырнă. Унпа килĕшÿллĕн икĕуйăхлăхри ĕçсене пурнăçлама кашни ялхуçалăх предприятийĕнче строительствăпа юсав бригадисем, витесенчен тислĕк кăларма ятарлă звеносем йĕркелемелле. Икĕуйăхлăхра:
- выльăх-чĕрлĕх фермисемпе комплексĕсене, апат цехĕсемпе кухнисене, вĕсенчи оборудование юсамалла, çĕнĕрен тумалла тата реконструкцилемелле*
- фермăсемпе комплекссен территорийĕсене тирпей-илем кĕртмелле, выльăх-чĕрлĕх çурчĕсене дезинфекцилемелле тата шуратмалла, выльăхсене ерекен тата ытти чирсенчен сыхласа хăварма пулăшакан мероприятисем пурнăçламалла*
- выльăхсене çуллахи лагерьте усрассине йĕркелемелле, фермăсене тата çуллахи лагерьсене кирлĕ чухлĕ тăвар, минералпа витамин хутăшĕсем, ытти тутлăхлă япаласем илсе пырассине йĕркелемелле*
- халăхран çамрăк выльăх, сĕт туянассипе малалла ĕçлемелле*
- выльăх-чĕрлĕхе çитес хĕлле кирлĕ пек тăрантарса усрама апат çителĕклĕ хатĕрлемелле, ăна вăхăтра шута илмелле. Апат тĕслĕхĕсене анализ туса тутăлăхне палăртма ветеринари, агрохими службисен тата «Чувашский» патшалăх агрохими службин центрĕн» лабораторийĕсене вăхăтра тăратмалла. Выльăх апачĕ хатĕрленĕ çĕрте вăй хуракан бригадăсемпе звеносене апат класлăхне кура тÿлессине йĕркелемелле*
- фермăсенче, апат цехĕсемпе кухнисенче вăй хума пысăк квалификациллĕ çынсем вĕрентсе хатĕрлемелле, вĕсене тухăçлă ĕçлеме условисем туса памалла.
- Икĕуйăхлăх еплерех иртнине асăрхаса тăма районти штаб туса хунă.