08 сентября 2007 г.
Волонтер клубĕнче вăй хуракансем яш-кĕрĕмпе хĕр-упраçпа, пĕлÿ керменĕнче ăс пухакансене, шкул çулне çитмен ачасене тĕрлĕ мероприятисене явăçтарма тăрăшаççĕ. Акă вĕренÿ çулĕ пуçланас умĕн «Шкула – пĕлÿ илме» тематикăллă каç иртрĕ. Ачасем «Кĕркунне» курава хатĕрленсе тĕрлĕ ÿкерчĕксем тунă, концерт валли ташă-юрă, сăвă чылай вĕреннĕ. В.Арсентьев «Антошка, пойдем копать картошку», А.Порфирьева «По малину в сад пойдем», А.Иванова «Анне» юрăсене илемлĕ юрларĕç, В.Клементьев «Бородино» сăвва питĕ ăста каларĕ.
Концерт хыççăн Нина Гурьевна Андреева ачасене хăй пĕçернĕ кукăльсемпе, пироженăйсемпе хăналарĕ, çĕнĕ пылпа чей ĕçтерчĕ.
Источник: "Çĕнтерÿ çуле"