25 апреля 2007 г.
Район администрацийĕн ĕçченĕсем юлашки çулсенче тĕрлĕ çивĕч ыйтусене татса панипе пĕрлех спортра та пысăк çитĕнÿсем кăтартма, ыттисене ырă тĕслĕх кăтартма пуçларĕç. Уйрăмах унăн волейбол команди чыс-хисепе тивĕç. Патшалăх влаç органĕсенче тата вырăнти хăй тытăмлăх органĕсенче тимлекенсем хушшинче темиçе çул ĕнтĕ вăл призлă вырăнсене йышăнать.
Иртнĕ канмалли кунсенче физкультурăпа спортăн 5 Спартакиади йĕркипе Улатăр хулинче иртнĕ çурма финал вăййисенче район администрацийĕн ĕçченĕсем каллех пысăк ăсталăх кăтартнăь - Улатăр, Муркаш, Сĕнтĕрвăрри тата Патăрьел район администрацийĕсен командисене пурне те 2:0 шутпа парăнтарнă, финал вăййисене хутшăнма тивĕçнĕ. Командăра – район пуçлăхĕн пĕрремĕш çумĕ Сергей Павлов, администраци ĕçĕсен управляющийĕ Андрей Матвеев, Константин Сидоров, Сергей Шуркин, Владимир Прокопьев, Светлана Войтенко, Юрий Бурмистров специалистсем.
Источник: "Çĕнтерÿ çуле"