11 октября 2006 г.
Ял хуçалăх производство предприятисен тилхепине тытса пыракансем умĕнче тăракан тĕп тĕллевсенчен пĕри вăл – «Агропромышленность комплексне аталантарасси» пысăк пĕлтерĕшлĕ наци проектне пурнăçа кĕртессипе тимлесси. Вĕсен тăрăшулăхĕпе пуçарулăхĕнчен хуçалăхăн малашлăхĕ мĕнле пуласси нумай килет.
Выльăх-чĕрлĕх генетика ыйтăвĕсене тивĕçтертĕр тесе, акă, «Кольцовка» агрофирма, Янгорчино» кооперативран 40 пуç ăратлă çамрăк выльăх туяннă. Калас пулать, çĕрпелсем выльăх-чĕрлĕхĕн ăратне лайăхлатассипе районта уйрăмах хастар ĕçлеççĕ. Çавăнпа вĕсем пăхакан пушмак пăрусем республикăра иртекен выльăх-чĕрлĕх куравĕнче çулсерен малти вырăнсем йышăнаççĕ.
«Мураты» кооператив та выльăх-чĕрлĕх ĕрчетесси çине пысăк тимлĕх уйăрать. Çывăх вăхăтра кунта Вологда хулинчен 100 пуç ăратлă выльăх илсе килмелле.
Источник: "Çĕнтерÿ ялавĕ"