01 июля 2006 г.
Вăрнар поселокĕн чи илемлĕ кĕтесĕнче – вырăнти Арбатра – вырнаçнă пирĕн «Бар». Юнашарах - ача-пăча паркĕ. Çавăнпа халăх яланах йышлă «Барта». Вăтамран куллен 400-е яхăн çын пулать. Хăнасене эпир яланах хапăл туса кĕтетпĕр. Шалтан чаплă илемлетнĕ, пурте – уйрăмах пĕчĕккисем – хăйсене юмахри тĕнчене лекнĕн туяççĕ.
Бильярд вăййине юратакансем те пирĕн пата хаваспах çÿреççĕ. Ятарлă пÿлĕмре чун каниччен пĕр-пĕринпе тупăшса киленеççĕ.
«Бар» ирхине 9 сехетрен пуçласа çурçĕр иртни 2 сехетчен ĕçлет.
Юлашки вăхăтра коллективпа пĕрле кану каçĕсем ирттерекенсене заявкăпа йышăнма тытăнтăмăр. Арендăшăн укçа-тенкĕ илместпĕр. Тепĕр çĕнĕлĕх пирки те каламалла. Ашшĕ-амăшĕсем, акă, ачисен çуралнă кунĕсене пирĕн патра паллă тума хăнăхрĕç. Паллă куна тус-тантăшĕсемпе пĕрле пухăнса савăнăçлăн уявлани чылайлăха вĕсен асĕнче юлать.
Ку кăна мар, çемьепе килсе канакансем те йышлă.
Халĕ эпир «Бара» килекенсене апатлантарма та пултаратпăр – «Огонек» ресторанти поварсем хатĕрленĕ техĕмлĕ блюдăсене сĕнетпĕр. Çавăн пекех пирĕн патра тĕрлĕ коктейльсем, мороженăй, гриль çинче пĕçернĕ чăхсем, кулинари изделийĕсем, сивĕтнĕ тата пылак шывсем т.ыт.те туянма пулать.
«Бар» - кану вырăнĕ – пурне те хапăл туса кĕтет.
Источник: "Çĕнтерÿ çуле"