18 мая 2006 г.
Паянхи Раççейĕн ырă пулăмĕсене кăтартас тĕллевпе «Раççейĕн ĕçлĕ çамрăкĕсем» пĕрлешĕвĕ фотоконкурс ирттересси çинчен пĕлтерет. Вăл виçĕ номинаципе иртет.
«Манăн хула» номинацире харпăр хăй пурăнакан ял-хулан кулленхи пурнăçне ырă енчен сăнлакан сăн ÿкерчĕксене тăратма юрать.
«Манăн геройсем» номинацире çамрăксене паха тĕслĕх кăтартакан çынсен ĕç-хĕлне халалланă ĕçсем вырăн тупĕç.
«Манăн малашлăх» номинаци, паллах, ырă пулăмсене çутатакан, вĕсене малалла аталантарма май пур фотоĕçсене пĕрлештерĕ.
Конкурс ĕçĕсене кăçалхи ноябрĕн 30-мĕшĕччен fotopositive@ pokolenie.biz электронлă почтăпа е «119019, г. Москва, пер. Б-Знаменский, д. 13, стр. 2» адреспа йышăнаççĕ. Конкурса хутшăнаканăн ятне, хушаматне, миçе çултине, контактлă телефона тата электронлă адреса палăртмалла.
Мĕнпур ĕçсем JPEG e TIFF форматпа тата АЗ пичет хучĕ çине кăларма юрăхлă пулмалла. Кашни авторăн пиллĕкрен ытларах ĕç тăратма юрамасть. Фотосен айне 600 пичет паллинчен ытларах мар текст çырма юрать.
Источник: "Çĕнтерÿ çуле"