04 марта 2006 г.
Шахматистсен «Шурă ладья» турнирĕ çулсерен нумайрах та нумайрах команда пуçтарать. Кăçал унта, акă, 19 команда тупăшрĕ. Финала вара тăватă команда тухма пултарчĕ, вĕсем – поселокри 1-мĕш тата 2-мĕш, Малти Ишекри, Санарпуçĕнчи шкул ачисем. Çĕнтерÿçĕсене уйрăмшар тата командăпа палăртрĕç.
Уйрăмшар зачетра пĕрремĕш хăма çинче малти вырăнсене çапла пайларĕç: 1-мĕшпе 2-мĕш вырăнсенче Вăрнарти 2-мĕш вăтам шкулти Александр Казанов тата Родион Никифоров, виççĕмĕшĕнче – Малти Ишекри Евгений Харисанов.
Иккĕмĕш хăма çинче Игорь Сурмин (2-мĕш шкул), Стас Арсентьев (1-мĕш шкул) тата Константин Ильин (Малти Ишек) çĕнтерчĕç.
Командăсем хушшинче поселокри 2-мĕш шкул пĕрремĕш, 1-мĕш шкул иккĕмĕш, Малти Ишекри шкул виççĕмĕш пулчĕç.
Турнир çав тери çивĕч иртрĕ. Кунта хумхану та, кĕтменлĕх те, çĕнтерÿ савăнăçĕ те, ÿкĕнÿ те пулчĕ. Шахмат – вăл çавăн пек вăйă, унта аталансах пымалла, хăв вăйлă пулнине çирĕплетмелле.
Источник: "Çĕнтерÿ çуле"