19 декабря 2005 г.
Иртнĕ канмалли кунсенче Тильбург (Нидерланды) хулинче çăмăл атлетика енĕпе Европа чемпионачĕ иртнĕ. Раççейĕн пĕрлештернĕ команди йышне кĕрсе унта республикăри тăватă спортсмен - Л.Григорьева, Г.Максимова, Т.Макарова тата С.Емельянов - хутшăннă.
Вулакан асăрхарĕ пулĕ, чупуçăсен хушшинче пирĕн ентеш, Чăрăшкас Хилеп хĕрачи те пур. Таня Макарова, Раççей спорт мастерĕ, халĕ Шупашкарти Олимп резервисен училищинче вĕренекенскер, юниоркăсен командинче ăмăртнă. Тÿрех каламалла: питех те ăнăçлă! - Раççейĕн çамрăк хĕрĕсем Великобритани тата Румыни командисем хыçăн виççĕмĕш вырăн йышăннă. Т.Макарован вăхăт кăтартăвĕ - 16 минут та 24 çеккунт.
Çак ăмăртурах тĕнче класлă спорт мастерĕ Л.Григорьева хĕрарăмсен хушшинче ылтăн, Г.Максимова бронза çĕнсе илнĕ.
Источник: "Çĕнтерÿ çуле"