06 июня 2005 г.
ЧР Ĕçлев, социаллă тата демографи политикин министерстви, Чăваш ен Презеденчĕн «Парксемпе садсен çулталăкĕ çинчен» указне тĕпе хурса, кăçалтан тытăнсе республикăри социаллă учрежденисем хушшинче йывăç-курăк лартассипе тата тирпей илем кĕртессипе смотр-конкурс ирттерме йышăннă.
Калининăри психикăпа неврологи интернатĕнче çак йышăнăва пурнăçа кĕртес тĕлевпе чылай ĕç туса ирттернĕ. Интернат территорийĕнчи беседкăсене сăрларĕç, чечек клумбисене майласа юсарĕç, унта куçарса лартма чечексем çитĕнтерчĕç. Çывăх вăхăтра кунта фонтан вырнаçтарма палăртнă. Çавăн пекех газонсене йĕркене кĕртнĕ, территорие çуп-çапран тасатнă, бордюрсене, йывăç вуллисене шуратнă. Бордюрсене, çулсене тĕллĕн-тĕллĕн юсанă.Ватă йывăçсене, тĕмсене касса тирпеленĕ çамрак хунавсем лартса хăварнă.
Йывăç кунне те активлă хутшăнтăмăр. Çак кун 3000 тĕм-йывăç, тăватă кăвак чăрăш, 40 тĕм декоративлă роза, кунсăр пуçне Калинино лесничествинче ике гектар çинче лăсăллă йывăçсем лартрăмăр.
Источник: "Çĕнтерÿ çуле"