Публикации » “Уй-хир карапĕсем” туяннă

07 апреля 2005 г.

Района тĕштырă пуçтарса кĕртмелли комбайнсем пĕр харăс кун чухлĕ килсе çитни юлашки çулсенче пулманччĕ-ха. Кăçал çуркунне “Санар” агрофирма” тулли мар яваплă общество тата акционерсен “Вăрнарти аш-какай комбиначĕ” уçă обществи, республика правительстви ял хуçалăхне аталантарас тĕлĕшпе паракан çăмăллăхпа усă курса, лизинг меслечĕпе “ДОН-1500”, “Мураты” ял хуçалăх производство кооперативĕ “Вектор” комбайнсем туяннă. Вĕсен уççисене асăннă хуçалăхсен ертÿçисене “Чувашагролизинг” акционер обществинче Чăваш Республикин Президенчĕ Николай Васильевич Федоров хăй панă. Кĕçех “Янгорчино” хуçалăха та “ДОН-1500” комбайн килсе çитмелле. Çĕнĕ “уй-хир карапĕсем” района тырпул пуçтарса кĕртессине чылай çăмăллатма пулăшаççĕ. Акă, çĕрпелсене вырмана вăхăтра та çухатусăр ирттерме икĕ “ДОН-1500” те çителĕклĕ. Çакăн йышши пĕр комбайн вĕсен кăçалчченех пулнă.

Источник: "Çĕнтерÿ çуле"