Публикации » Президент елкинче савăннă

14 января 2005 г.

Шупашкарта чăваш патшалăх оперăпа балет театрĕнче иртнĕ Президент елкине пирĕн районти шкулсенче вĕренекен 52 ача хутшăнчĕ. Театр умĕнче вĕсене Çĕнĕ çул саламĕсемпе юмахри тĕп геройсем кĕтсе илчĕç. Юрă-ташăсенчен, шÿтсемпе вăйăсенчен йĕркеленĕ театрализациленĕ программа пурне те питĕ килĕшрĕ. Çĕнĕ çул елкинчен ачасем пысăк кăмăлпа, парнесемпе таврăнчĕç.

Тĕп хулара пулни вĕренекенсене Çĕнĕ çул елкипе кăна мар, Çар Мухтавĕн музейĕнче пулса курнипе те асра юлчĕ.

Источник: "Çĕнтерÿ çуле"