23 сентября 2004 г.
Çĕршывра çитес çул Аслă Отечественнăй вăрçă çĕнтерÿпе вĕçленнĕренпе 60 çул çитнине паллă тума хатĕрленеççĕ. Ветерансем вара кунран кун сахалланса пыраççĕ.
Кашнин хăйĕн шăпа. Пĕрисем хаяр çапăçусем пуçланнă малтанхи кунсенчех пуçĕсене хунă, теприсем вăрçă çулĕсемпе утса тухса тăван киле çитсен çывăх çыннисенчен уйрăлса кайнă, виççĕмĕшĕсем паянхи кунчченех пирĕнпе юнашар. Анчах çитĕнекен ăрун нихăшне те манма тивĕç çук. Вĕсем пурте пирĕн çутă пуласлăхшăн пурнăçне шеллемесĕр кĕрешнĕ.
Аслисен паттăрлăхне ĕмĕрлĕхе упраса хăварас тĕллевпе Вăрнарти тĕслĕхлĕ библиотекăра “Асăну. Тивĕç. Чыс” ятпа электронлă база хатĕрлеççĕ. Унта ентешсен паттăрлăхне, çĕршыв шăпине, вăрçă çулĕсене аса илтерекен произведенисене çутатакан тата ытти пайсене уçма палăртаççĕ.
Çак пысăк ĕç килес çулхи май уйăхĕ тĕлне вĕçленмелле, çавăн чухнех ăна презентацилĕç.Источник: "Çĕнтерÿ çуле"