24 марта 2010 г.
Малтикас Ялтăра культура çуртĕнче «Эсĕ тата эпĕ» çемье шоуне йĕркелерĕмĕр. Унта виçĕ çемье хутшăнчĕ.
Катьăпа Саша Никитинсем нумаях пулмасть çемье çавăрчĕç. Вĕсен пĕчĕк ывăл çитĕнет. Лийăпа Сергей Зайцевсен икĕ ача: хĕрпе ывăл. Вĕсем пĕр çемьене чăмăртаннăранпа кĕçех 10 çул çитет. 2-мĕш класра вĕренекен Валя культура çуртĕнче иртекен кашни уявра хăйĕн уçă сассипе юрăсем шăрантарать. Районта иртекен конкурссенче те малти вырăнсене çеç йышăнать.
Любăпа Володя Тихоновсем вара 25 çул пĕрле пурăнаççĕ. Сăмах май, культура çурчĕ уçăлсан, вĕсем кунта чи малтан туй кĕрлеттернĕ. Халĕ те кашни мероприятиех хастар хутшăнаççĕ. Канашсемпе сĕнÿсем парса культура ĕçченĕсене пулăшаççĕ.
Çемье уявĕнче Лийăпа Сергей Зайцевсем чи нумай очко пухса мала тухрĕç.
Источник: "Çĕнтерÿ çуле"