20 марта 2010 г.
Раççейĕн Наркотиксен çаврăнăшне тĕрĕслесе тăракан федераллă служби мартăн 11-мĕшĕнче йĕркеленнĕ. Унтанпа иртнĕ çичĕ çул хушшинче ку службăн сотрудникĕсен кунсерен çивĕч ыйтусене татса пама тивнĕ: йĕркеленсе преступленисем тăвакан ушкăнсене тупса палăртса вĕсен ĕç-хĕлне чарнă, наркотиксен саккунсăр çаврăнăшне хирĕç тăнă. Кашниех хăйне шаннă ĕçе яваплă пурнăçлать, киревсĕрлĕхсене тăрă шыв çине кăларма тăрăшать.
Статистика кăтартăвĕсене танлаштарас-тăк, наркотиксемпе усă куракансен шучĕ пирĕн республикăра ытти регионсенчен сахалрах. Наркоманипе чирлесси, пĕтĕм Атăлçи федераллă округрипе танлаштарсан, 2,5-3 хут пĕчĕкрех.
Раççейĕн Наркотиксен çаврăнăшне тĕрĕслесе тăракан федераллă службин Чăваш Республикинчи управленийĕ йĕркеленнĕренпе 3472 преступлени регистрациленнĕ, 1488 çынна явап тыттарнă, 230 килограмм наркотик туртса илнĕ, 141 наркопритона пĕтернĕ.
Управлени сотрудникĕсем республикăра наркотиксен саккунсăр çаврăнăшне хирĕç тăма çирĕп мерăсем йышăнаççĕ.
Источник: "Çĕнтерÿ çуле"