10 февраля 2010 г.
Республикăри хисеплĕ таврапĕлÿçĕн, журналистăн, нумаях пулмасть халăх академикĕ ята тивĕçнĕ Григорий Скворцовăн иртнĕ çул вĕçĕнче пичетленсе тухнă «Мăньял Хапăс çăлкуçĕсем» кĕнеки район библиотекисенче тивĕçлĕ вырăн йышăнчĕ. Автор çак кунсенче хăйĕн кĕнекине район пуçлăхне Анатолий Кузьмина та парнеленĕ.
Кĕнекене Г.Скворцов хăйĕн хĕрĕпе Ирина Игнатьевапа (Скворцова) пĕрле çырнă. Унта тĕпчевсем, истори халапĕсем, калавсемпе очерксем, поэзи, кулăшсем кĕнĕ.
Источник: "Çĕнтерÿ çуле"