23 декабря 2009 г.
«Çĕнтерÿ çулĕн» тиражĕ ÿссех пырать. Тăван хаçата çамрăксем те, аслă ăрурисем те юратса вулаççĕ. Акă Хăмăш ялĕнче пурăнакан 83 çулти Иван Филиппович Евграфов «Çĕнтерÿ çулĕпе» нумай çул тачăçыхăну тытать çырăнса илет. Район хаçачĕ вăл - чун апачĕ», - терĕ кăмăллăн ватă çын. - Пĕччен пурăнатăп та кашни номерне хăна пекех чăтăмсăррăн кĕтетĕп».
Иван Евграфов кăçал хаçат редакцийĕ «Çĕнтерÿ çулне» 2009 çулхи 2-мĕш çур çулта илсе тăракансем хушшинче ирттернĕ лоторейăра çĕнĕ çул парнине выляса илнĕ. Ватă çыннăн савăнăçĕ виçесĕр. «Эпĕ те телейлĕ!» - çирĕплетрĕ вăл.
Иван Евграфов ĕмĕр тăршшĕпех «Броневик» хуçалăхра тăрăшнă. Унăн пĕтĕмĕшле ĕç стажĕ - 45 çул.
Источник: "Çĕнтерÿ çуле"