22 августа 2009 г.
Хурапыр Юнтапари тата Красноармейски районĕнчи Карай ялĕнчи çамрăксен туслăхĕ çирĕп. Сурăм шывĕ хĕрне пĕрле пулă тытма çÿренисĕр пуçне футбол турнирĕсем те йĕркелеççĕ. «Сывă пурнăç йĕркине пăхăнакан çамрăксене хисеплетĕп. Вĕсем кĕçĕннисене ырă тĕслĕх кăтартаççĕ», - пĕлтерчĕ Шупашкарта ĕçлесе пурăнакан хамăр ентеш Владимир Николаевич Кириллов.
Владимир Николаевич, хăй физкультура учителĕ пулнă май, футбол турнирĕсем иртнĕ чух тăван тăрăха çитме тăрăшать, яш-кĕрĕмпе хĕр-упраçа сĕнÿ- канаш парать.
Акă нумаях пулмасть икĕ ялăн çамрăкĕсем каллех тĕл пулнă. Футбол вăййинче хурапыр-юнтапасем карайсене 2:1 шутпа парăнтарнă.
Источник: "Çĕнтерÿ çуле"