Публикации » Пуçтарнă çĕртре мар, вараламан çĕртре таса

Халăх пурăнакан вырăна тирпей-илемпе хăтлăх кĕртессине район администрацийĕ тимлĕхре тытать. Депутатсен районти Пухăвĕ ку енĕпе ятарлă Правилăсем та йышăннăччĕ.

Шел, коллегин ку хутĕнче те хăш-пĕр асăрхаттарусем тума тивнĕ. Тепĕр тесен, ялсене тухса çÿренĕ май пĕрре мар асăрханă - вăл е ку поселенинче аяккарахри ялсем «манăçа тухнă». Уйрăмах çĕнĕ çул айăккисем çум-курăк ăшне путни питех пăшăрхантарать.

Паллах, коллегире асăннă хыççăн Йăлтăм çулĕ çын çÿллĕшне кармашнă мăянсенчен çуталĕ, Ершепуç ял поселенине кĕрекен ялсен урамĕсем çÿп-çапран тасалĕç, Вăрманкас-Мăньял Хапăсăн асфальтлă çулĕсен хĕрринчен йăлари çÿп-çапсем çухалчĕç... Яланлăха пултăр çеç.

Докладчикăн - райадминситрацин ял хуçалăхĕпе экологи пайĕн пуçлăхĕн çумĕн Александр Борисовăн - хĕрÿллĕ сăмахĕсем залри ытти пуçăлăхсен чĕрине те витме тивĕç. Çавăн пекех вăл «Абызово» хуçалăхăн производство базин никĕсĕ çинче йĕркеленнĕ «Ютон» фирма пластик бутылкăсемпе полиэтилен пакетсене пуçтарнине тепĕр хут аса илтернĕ.

Источник: "Çĕнтерÿ çуле"