14:36 01 ноября 2018 г.
Вӑл Чӑрӑш-Ишек ялӗнчи хресчен ҫемьинче кун ҫути курнӑ. Ачалӑхӗ ҫӑмӑл пулманран ҫамрӑклах Лисука ашшӗ-амӑшӗ ӗҫе хӑнӑхтарнӑ. Йышлӑ ҫемьере ҫитӗннӗскер питӗ ӗҫчен те сӑпайлӑ пулнӑ Елизавета Ивановна.
Мӑшӑрӗпе Иван Беловпа ҫемье ҫавӑрнӑ, пӱрт хӑпартнӑ, 3 ывӑлпа 1 хӗр ҫуратса пурнӑҫ ҫулӗ ҫине тӑратнӑ, ачисене аслӑ пӗлӱ панӑ.
Елизавета Ивановнӑна пӗрре пӑхсах вӑл кӑмӑллӑ ҫын пулнине пӗлме пулать. Пӗркеленнӗ питре ватлӑх ҫулӗсем кӑна мар, пурнӑҫ витӗр килнӗ йывӑрлӑхсем те ҫырӑннӑ, виҫӗ ывӑлне, мӑшӑрне вӑхӑтсӑр ҫухатнӑ.
Мӗн каласси пур: тӱснӗ, парӑнман, тӑрӑшнӑ Елизавета Ивановна. Хӗрӗн ҫемьи, ывӑлӗсен ҫемьи, йышлӑ тӑванӗсем тӑтӑшах пулӑшаҫҫӗ ватӑ ҫынна. Унӑн 4 мӑнукпа 7 кӗҫӗн мӑнук.
Чӑнах та, пурнӑҫа юратни Елизавета Ивановнӑна Турри те вӑй парса тӑрать пуль, ӑна ҫирӗп сывлӑх, вӑрӑм кун-ҫул сунатпӑр.
Елизавета Ивановнӑна ҫуралнӑ кун ячӗпе район администрацийӗн пуҫлӑхӗ Леонид Николаев саламларӗ, нумай ҫул пурӑнма вӑй-хӑват сунчӗ.
Шинерский территориальный отдел Вурнарского муниципального округа