14:34 11 сентября 2014 г.
Карл Маркс ячěллě ял хуçалǎх кооперативěнче ěçлекенсем паян вырма ěçěсене вěçлерěç. Уй-хирте тăрăшакан виçĕ экипаж членĕсем пурте хастар, тăрăшуллă ěçлерěç. Владимир Михайлов, Виталий Степанов, Василий Николаев комбайнерсем çанталǎкǎн кашни саманчěпе усǎ курма тǎрǎшрěç , ÿстернě тыр-пула çухатусǎр , тирпейлě пухса кěртес ěçре пысǎк тǎрǎшулǎх кǎтартрěç.
Паянхи куна 874 гектар çинчен пĕрчĕллĕ тата пăрçа йышши культурăсене пуçтарса кĕртнĕ, 3976 тонна çапса тĕшĕленĕ.
Кĕрхи культурăсене акса хăварас ĕç те кал-кал пырать хуçалǎхра. Хальлĕхе 262 гектар акнă. Ку планпа пǎхнинчен 67%. "
Çавǎн пекех кěрхи çĕртме ěçěсене те туса пыраççě. Апла пулин те пурнăçламалли ĕçĕн калăпăшĕ чылай-ха. Вырма вĕçленсен куккурус уйне тухмалла, çĕр сухаласа пĕтермелле, вăрлăх хатĕрлемелле. Ял хуçалăхĕнче канмалли вăхăт чăннипех те сахал.
Сявалкасинский территориальный отдел Вурнарского муниципального округа