Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Пĕрремĕш хут – Спартакиада çĕнтерÿçисем

20 июня 2018 г.

Вăрнар районĕ пĕрремĕш хут шкул ачисем хушшинче Чăваш ен Пуçлăхĕн Кубокĕшĕн пынă Спартакиада çĕнтерÿçи пулса тăнă!

Сумлă çĕнтерĕве волейболистсем – хĕрсем, фитнес-аэробика ушкăнĕсем, йĕлтĕрçĕсем, ирĕклĕ кĕрешÿçĕсем, футболистсем пысăк тÿпе, вăй хывнă. Ку тĕссенче пĕтĕмĕшле зачетра вăрнарсем 1-мĕш пулнă.

Çавăн пекех районăн шкул ачисем спорт туризмĕнче 3-мĕш, «Ылтăн шайбăра» 2-мĕш, Президент спорт вăййисенче 3-мĕш йĕркене йышăннă. Ытти тĕссенчи кăтартусем те начар мар.

Виçĕмкун Вăрнарти «Химик» стадионта Спартакиада çĕнтерÿçисене чысларĕç. Район администрацийĕн пуçлăхĕн заместителĕ – вĕрентÿпе çамрăксен политикин пайĕн пуçлăхĕ Денис Трофимов ачасене куçса çÿрекен Кубока тыттарнă май, вĕсем районшăн пĕчĕк тĕлĕнтермĕш тунине каларĕ, спортсменсене историлле çĕнтерÿпе саламларĕ.

Вăрнарсем юлашки виçĕ çул Спартакиадăра ăнăçлă ăмăртнă. 2015–2016 вĕренÿ çулĕнче 5-мĕш, 2016–2017-мĕшĕнче 3-мĕш пулнă. 

– Тренерсен, физкультура учителĕсен тÿпи пысăк. Вĕсене, çавăн пекех ăмăртусене улшăнми тухса çÿренĕшĕн водителе тав, – терĕ ача-пăча спорт шкулĕн преподавателĕ Владислав Львов.

Спартакиада 14 тĕспе иртнĕ. Вăрнар район команди пĕтĕмĕшле 599 очко пухнă. Шупашкар районĕ – 2-мĕш, Çĕрпÿ районĕ 3-мĕш вырăнсенче.

Светлана ЧИКМЯКОВА.

Источник: "Çĕнтерÿ çуле"

Мой МирFacebookВКонтактеTwitterLiveJournalОдноклассники
Информационное наполнение сайта:
Отдел информатизации администрации Вурнарского района - тел. (83537)2-53-80
vurnar_info@cap.ru
GISMETEO: Погода по г.Вурнары

Система управления контентом
429220, п. Вурнары, ул.Советская, д.20
Телефон: 8(83537) 2-52-04
Факс: 8(83537) 2-55-95
TopList Сводная статистика портала Яндекс.Метрика